निवडणुकीच्या तोंडावर लक्ष्मण हाकेंवर गंभीर आरोप, ओबीसी उमेदवार म्हणाला माझ्यावर जीव देण्याची वेळ आली

परमेश्वर वाघमोडे म्हणाले, लक्ष्मण हाकेंनी मला तिकीट देऊन आमदार करतो असा शब्द दिला. पण आमिषाला बळी पडून मॅनेज झाले आणि अचानक धनदांडग्या दुसऱ्याच उमेदवाराला पाठिंबा दिला.माझी फसवणुक केली. माझ्यावर आता आत्महत्या करण्याची वेळ आणली. लक्ष्मण हाके यांनी दोन दिवसापूर्वी गेवराई मतदार संघात वंचित उमेदवार प्रियंका खेडकर यांना पाठिंबा दिला होता.. त्यानंतर लक्ष्मण हाके यांनी माझ्यावर आत्महत्येची वेळ आणली असून त्यांची एकही सभा गेवराई होऊ देणार नाही सभा घ्यायला आले तर मी आत्महत्या करेल.

परमेश्वर वाघमोडे म्हणाले, लक्ष्मण हाकेंच्या भूमिकेवरून संशय येत आहे. पंधरा वर्षापासून सरांसोबत संबंध आहेत. वडिगोद्री उपोषणाला बसले त्यावेळी उपोषण यशस्वी करण्यासाठी जीवाचं रान केलं.. रास्ता रोको केल्यामुळे माझ्यावर 15 गुन्हे दाखल आहेत. तरी माझा विचार न करता धनदांडग्या उमेदवाराला पाठिंबा दिला.तुम्ही ज्या ज्या वेळी आंदोलनासाठी हाक दिली त्यावेळी घरदार सोडून रस्त्यावर उतरलो. चळवळी जिवंत ठेवल्या.

पदयात्रा काढायला लावली दोन वेळेस सभेला देखील आले. काल अचानक त्यांचं काय सेटलमेंट झालं हे मला सांगता येणार नाही. परंतु माझ्यावर त्यांनी अन्याय केला आहे.. दबाव आणल्यामुळे पाठिंबा दिला असा हाके सांगत आहेत.. दबाव कुठे असं व्हायलाच नाही पाहिजे जो नेता चळवळीचा आहे तो जर दबाव कुठे एखाद्याचा उल्लेख करत असेल ही चळवळ बंद पडेल. हाकेंनी पत्रकार परिषद घेऊन आणखी मी कोणालाही पाठिंबा नाही. ओबीसीच्या चळवळीमध्ये रस्त्यावर उतरणाऱ्या अनेक कार्यकर्ते आहेत म्हणून मैत्रीपूर्ण लढत होईल असा हाकेंनी सांगावे, असे परमेश्वर वाघमोडे म्हणाले