Maharashtra Elections Yugendra Pawar : युगेंद्रने अर्ज भरल्यानंतर आजोबा शरद पवारांचा नातवाला कानमंत्र, म्हणाले...

Last Updated:

Maharashtra Assembly Elections Baramati : शरद पवार गटाने अजित पवारांविरोधात त्यांचा पुतण्या युगेंद्र पवारांना मैदानात उतरवले आहे. कोणतेही शक्तिप्रदर्शन न करता युगेंद्र पवार यांनी अर्ज दाखल केला.

Shard Pawar on Yugendra Pawar
Shard Pawar on Yugendra Pawar
बारामती : बारामती विधानसभा निवडणुकीत यंदाची काका-पुतण्यामध्ये निवडणूक होणार आहे. अजित पवारांनी शरद पवारांपासून राजकीय फारकत घेतल्यानंतरची पहिलीच विधानसभा निवडणूक आहे. शरद पवार गटाने अजित पवारांविरोधात त्यांचा पुतण्या युगेंद्र पवारांना मैदानात उतरवले आहे. कोणतेही शक्तिप्रदर्शन न करता युगेंद्र पवार यांनी अर्ज दाखल केला. यावेळी शरद पवार, खासदार सुप्रिया सुळे यांच्यासह स्थानिक नेते पदाधिकारी उपस्थित होते.अर्ज भरल्यानंतर शरद पवारांनी युगेंद्रला कानमंत्र दिला.

लोकांचा महाविकास आघडीला पाठिंबा...

शरद पवार यांनी सांगितले की, मी जवळपास सगळ्याच जिल्ह्यांचा आढावा घेत आहे. लोकसभेत जनतेने पाठिंबा दिला. लोकसभेप्रमाणे विधानसभेतही जनता पाठिंबा देईल, अशी खात्री असल्याचे त्यांनी सांगितले. आज ज्यांच्या हाती सत्ता आहे, त्यांच्याकडून लोकांचे प्रश्न सोडवले गेले नाहीत. मविआ सरकार हे जनतेच्या प्रश्न सोडवणारे सरकार असेल, आमची आघाडी यासाठी काम करेल असा विश्वास मी याठिकाणी देत असल्याचे शरद पवार यांनी सांगितले.
advertisement

युगेंद्रला काय कानमंत्र दिला?

यंदाची बारामतीची निवडणूक रंगतदार होणार असल्याचा अंदाज आहे. बारामती लोकसभा निवडणुकीत सुप्रिया सुळे यांनी विजय मिळवला. या निवडणुकीत बारामती विधानसभा क्षेत्रातून सुप्रिया सुळे यांना 48 हजारांची आघाडी होती. त्यानंतर आता विधानसभेच्या निवडणुकीत काय होणार याकडे अनेकांचे लक्ष लागले आहे.
युगेंद्र पवार यांचा अर्ज भरल्यानंतर शरद पवार यांनी माध्यमांशी संवाद साधला. यावेळी युगेंद्रला काय कानमंत्र द्याल असा प्रश्न विचारण्यात आला. त्यावेळी शरद पवार यांनी म्हटले की, जनतेशी बांधिलकी कायम ठेवावी, विनम्रतने लोकांशी वागलं पाहिजे, त्याशिवाय, लोकांनी संधी दिल्यानंतर विनम्रतेने स्वीकार करून लोकांसाठी काम करावे, असे शरद पवारांनी म्हटले.
advertisement

बारामतीकरांवर विश्वास...

बारामतीमधून युगेंद्र पवार हा तरुण उमेदवार दिला असल्याचे शरद पवारांनी म्हटले. युगेंद्र हा उच्चशिक्षित पदवीधर असून व्यावसायिक, प्रशासनाचा अनुभव आहे. साखर कारखानदारी, ऊस यातील युगेंद्र जाणकार आहेत. बारामतीची जनता नव्या पिढीचा नव्या नेतृत्वाचा स्वीकारतील असा विश्वास असल्याचे शरद पवारांनी सांगितले.

इतर महत्त्वाची बातमी :

advertisement
view comments
मराठी बातम्या/महाराष्ट्र/
Maharashtra Elections Yugendra Pawar : युगेंद्रने अर्ज भरल्यानंतर आजोबा शरद पवारांचा नातवाला कानमंत्र, म्हणाले...
Next Article
advertisement
Eknath Shinde Ambernath Nagar Parishad Result: अंबरनाथमध्ये शिंदेंच्या वर्चस्वाला धक्का, प्रतिष्ठेच्या निवडणुकीत कसा झाला पराभव? समोर आली १० कारणे....
शिंदेंच्या वर्चस्वाला धक्का, प्रतिष्ठेच्या निवडणुकीत कसा झाला पराभव? १० कारणं
  • शिंदेंच्या वर्चस्वाला धक्का, प्रतिष्ठेच्या निवडणुकीत कसा झाला पराभव? १० कारणं

  • शिंदेंच्या वर्चस्वाला धक्का, प्रतिष्ठेच्या निवडणुकीत कसा झाला पराभव? १० कारणं

  • शिंदेंच्या वर्चस्वाला धक्का, प्रतिष्ठेच्या निवडणुकीत कसा झाला पराभव? १० कारणं

View All
advertisement