Trending:

Maharashtra Elections 2024 : अशोक चव्हाण यांचा विश्वासू आता त्यांच्याच मुलीच्या पराभवासाठी उभा ठाकला! भोकरमध्ये काँग्रेसकडून उमेदवारी

Published by:Shrikant Bhosale

Last Updated:October 25, 2024 11:48 AM IST

Maharashtra Assembly Elections : भोकर मतदारसंघातून अशोक चव्हाण यांची कन्या श्रीजया चव्हाण यांना उमेदवारी जाहीर झाली आहे. तर, काँग्रेसने त्यांच्या विरोधात जुन्या कार्यकर्त्याला उमेदवारी दिली आहे.

इम्पॅक्ट शॉटतुमचा गेटवे लेटेस्ट न्यूज

अशोक चव्हाण यांचा विश्वासू आता त्यांच्याच मुलीच्या पराभवासाठी उभा ठाकला! भोकरमध्ये काँग्रेसकडून उमेदवारी

नांदेड : राज्याचे माजी मुख्यमंत्री अशोक चव्हाण यांचा मतदारसंघ अशी ओळख असलेल्या भोकर विधानसभा मतदारसंघाची निवडणूक रंगण्याची चिन्ह आहेत. काँग्रेसचा बालेकिल्ला अशी ओळख असलेल्या या मतदारसंघाची समीकरणे बदलली आहेत का, हे देखील या निवडणुकीत स्पष्ट होणार आहे. अशोक चव्हाण यांनी भाजपात प्रवेश केल्यानंतर नांदेड मधील राजकीय समीकरणे बदलतील असा अंदाज होता. मात्र, नांदेडमध्ये भाजप उमेदवाराला पराभव स्वीकारावा लागला. आता, भोकर मतदारसंघातून अशोक चव्हाण यांची कन्या श्रीजया चव्हाण यांना उमेदवारी जाहीर झाली आहे. तर, काँग्रेसने त्यांच्या विरोधात जुन्या कार्यकर्त्याला उमेदवारी दिली आहे.

भाजपचे खासदार असलेले अशोक चव्हाण यांच्या मुली विरोधात काँग्रेसने तिरुपती बाबुराव कदम कोंडीकर यांना उमेदवारी दिली आहे. कोंडीकर एनएसयुआयपासून ते काँग्रेस पक्षात काम करत आहेत. सध्या नांदेडचे ते जिल्हा कार्याध्यक्ष आहेत. अशोक चव्हाण यांनी भाजपमध्ये प्रवेश केल्यावर कोंडीकर यांनी भोकरमध्ये संघटना बांधणी केली. काँग्रेस पक्षाचे आक्रमक कार्यकर्ते म्हणून त्यांची स्थानिक पातळीवर ओळख आहे.

तिरुपती बाबुराव कदम कोंडीकर हे मराठा समाजातून येतात. या मतदारसंघात जरांगे फॅक्टर हा महत्त्वाचा रोल असणार आहे. मराठा आरक्षणावरून अनेक वेळा अशोक चव्हाण आणि त्यांच्या मुलीच्या गाड्या अडविण्यात आलेल्या आहेत. त्यामुळे भोकरमध्ये मराठा समाजाचे मतदान निर्णायक ठरण्याची शक्यता आहे. जरांगे पाटील भोकरमध्ये उमेदवार दिला तर मतदारसंघातील समीकरणेदेखील बदलतील.

लोकसभा निवडणुकीत भाजप उमेदवाराचा पराभव करून काँग्रेसचा उमेदवार विजयी झाल्याने स्थानिक काँग्रेस कार्यकर्त्यांचा आत्मविश्वास वाढला आहे. त्यामुळे अशोक चव्हाण यांना पुन्हा एक धक्का देण्यासाठी काँग्रेस सज्ज झाले आहे.

काँग्रेसचे उमेदवार जाहीर

भारतीय जनता पक्ष, एकनाथ शिंदे यांची शिवसेना, अजित पवार यांची राष्ट्रवादी तसेच ठाकरेंची शिवसेना आणि शरद पवारांची राष्ट्रवादी अशा सगळ्यांच्या उमेदवारी याद्या जाहीर झाल्यानंतर प्रचंड प्रतिक्षेनंतर काँग्रेस पक्षाने ४८ नावांची पहिली यादी जाहीर केली. नाना पटोले साकोली मतदारसंघातून, बाळासाहेब थोरात संगमनेर मतदारसंघातून, विजय वडेट्टीवार ब्रह्मपुरी मतदारसंघातून तर कराडमधून पृथ्वीराज चव्हाण निवडणूक लढवणार आहेत.