Eknath Shinde : गृह खातं सोडा, आता नगरविकास खातंही जाणार? भाजपचे एकनाथ शिंदेंवर दबावतंत्र

मुंबई : राज्याचे नवे मुख्यमंत्री म्हणून देवेंद्र फडणवीस शपथ घेणार आहेत. त्यांच्या नेतृत्त्वात महायुतीचे सरकार स्थापन होणार आहे. या नेतृत्वातील सरकारच्या शपथविधीस काही तासांचा अवधी शिल्लक राहिला आहे. आज फक्त मुख्यमंत्री आणि दोन उपमुख्यमंत्री यांचाच शपथविधी पार पडणार असल्याची चर्चा आहे. महायुतीच्या या नव्या सरकारमध्ये शिवसेनेला गृहमंत्री पद मिळावे यासाठी एकनाथ शिंदे यांनी जोर लावला आहे. गृह खाते मिळाल्यास आपण उपमुख्यमंत्रीपद स्वीकारू अशी अट एकनाथ शिंदे यांनी ठेवली असल्याची चर्चा होती. आता, भाजपने एकनाथ शिंदे यांच्यावर दबावतंत्र वापरण्यास सुरुवात केली आहे.