Maharashtra Election Ajit Pawar : बारामतीमध्ये सुप्रिया सुळेंना लीड का मिळालं? अजितदादांनी समीकरण सांगितलं...

पुणे : राज्याच्या विधानसभा निवडणूक प्रचाराच्या तोफा आज थंडावणार आहेत. यंदाच्या विधानसभा निवडणुकीत चांगलीच चुरस असल्याचा अंदाज आहे. शरद पवारांपासून फारकत घेतल्यानंतर महायुती सरकारमधील अजित पवारांच्या नेतृत्त्वात राष्ट्रवादीची ही पहिलीच विधानसभा निवडणूक आहे. त्यामुळेच आता अजित पवारांच्या नेतृत्त्वातील राष्ट्रवादी काँग्रेस कशी कामगिरी करणार, याकडे राजकीय वर्तुळाचे लक्ष लागले आहे. तर, दुसरीकडे लोकसभा निवडणुकीत बारामती विधानसभा मतदारसंघातून सुप्रिया सुळेंना निर्णायक आघाडी मिळाल्याने अनेकांच्या भुवया उंचावल्या.