Maharashtra Govt Formation Ajit Pawar : अजितदादांची दिल्लीत खलबतं, अमित शाहांसमोर कोणत्या मागण्यांचा प्रस्ताव? समोर आली अपडेट

प्रशांत लीला रामदास, प्रतिनिधी, नवी दिल्ली: विधानसभा निवडणुकीत प्रचंड बहुमत मिळून देखील ही महायुतीमधील सत्ता स्थापनेचा तिढा अद्याप सुरू आहे. विधानसभा निवडणूक निकाल जाहीर होऊन एक आठवडा उलटला तरी स्थापनेचा दावा अद्याप करण्यात आला नाही. भाजपकडून महायुती सरकारच्या शपथविधीची तारीख जाहीर करण्यात आली. पण महायुतीमध्ये अद्यापही खाते वाटपावर अंतिम शिक्कामोर्तब करण्यात आले नाही. तर, दुसरीकडे राष्ट्रवादी काँग्रेसचे अध्यक्ष अजित पवारांनी दिल्लीत रात्री उशिरा खलबतं केली. राष्ट्रवादीच्या नेत्यांसोबत झालेल्या बैठकीच मंत्रिमंडळ आणि अमित शाह यांच्यासमोर कोणत्या मागण्या करायच्या, याबाबतही चर्चा झाली.