Devendra Fadnavis : आता 'त्या' कुबड्याच फडणवीसांवर अवलंबून, काँग्रेस नेत्याचा महायुतीवर बोचरा वार

उदय तिमांडे, प्रतिनिधी नागपूर : विधानसभा निवडणुकीत प्रचंड बहुमत मिळूनही महायुतीमधील सत्ता स्थापनेचा घोळ कायम आहे. येत्या एक-दोन दिवसात हा घोळ संपण्याची चिन्हे आहेत. तर, दुसरीकडे सरकार स्थापनेला लागत असलेला वेळ पाहून विरोधकांनी टीका करण्यास सुरुवात केली आहे. मुख्यमंत्रीपदावरून दावा सोडावा लागत असल्याने काळजीवाहू मुख्यमंत्री एकनाथ शिंदे नाराज असल्याचे वृत्त आहे. त्यावरून काँग्रेसचे ज्येष्ठ नेते विजय वडेट्टीवार यांनी जोरदार टीका केली आहे. भाजपला आता सरकार स्थापन करण्यासाठी कुबड्यांची गरज नाही. आता आहेत त्या कुबड्या फडणवीस यांच्यावर अवलंबून असल्याची टीका करण्यात आली आहे.