नितीन नांदूरकर, प्रतिनिधी, जळगाव: निवडणुकीत बहुमत मिळून देखीलही महायुतीमध्ये सत्ता स्थापनेचा घोळ सुरू असल्याची चर्चा आहे. तर, दुसरीकडे या सगळ्या घडामोडीत भाजपने गटनेत्याच्या निवडीआधीच शपथविधीची तारीख जाहीर केली. तर, काळजीवाहू मुख्यमंत्री एकनाथ शिंदे हे साताऱ्यातील आपल्या मूळ गावी दाखल झाले आहेत. खाते वाटपाच्या मुद्यावरून एकनाथ शिंदे नाराज असल्याची चर्चा सुरू आहे. या नाराजीतून एकनाथ शिंदे हे आपल्या मूळ गावी गेल्याची चर्चा आहे. मात्र, दुसरीकडे शिंदे गटाचे नवनिर्वाचित आमदार गुलाबराव पाटील यांनी या चर्चा फेटाळून लावल्या आहेत.