'देख रहा है बिनोद' कार्यकर्ते शेवटी 'कढीपत्ता'; नेत्यांच्या बायका,भावयजाया मैदानात, कुठे मिळाली नातेवाईकांना उमेदवारी?

मुंबई : स्थानिक स्वराज्य संस्थांची (Local Body Election) निवडणूक ही तळागाळतल्या कार्यकर्त्यांची निवडणूक आहे असं म्हंटलं जायचं. लोकसभा असो किंवा विधानसभा, आपल्या नेत्याला निवडून आणण्यासाठी कार्यकर्ते दिवसरात्र जंग जंग पछाडून, रक्ताचं पाणी करतात. स्थानिक स्वराज्य संस्थेतून राजकीय प्रवास सुरू होईल ऐवढी अपेक्षा कार्यकर्त्यांना असते. मात्र कार्यकर्त्यांच्या या आशेवर त्यांचेच नेते पाणी फिरवत असल्याचं बोललं जाऊ लागलंय. याच कारण नगरपरिषद, नगर पंचायतीच्या निवडणुकीत अनेक उमदेवार हे मंत्री संत्री, आजी माजी आमदार खासदारांचे नातेवाईकच दिसतात. त्यामुळं आयुष्यभर केवळ संतरज्याच उचलायच्या का असा प्रश्न कार्यकर्त्यांकडून उपस्थित केला जात आहे