घरात पोराचं लग्न, खूश झालेला बाप दुबईवरून आला, पण वाटेत सगळं संपलं, नवरदेवासह वडिलांचा करुण अंत

रायगड: रायगड जिल्ह्याच्या कोलाडजवळ एक मन हेलावणारी घटना घडली आहे. इथं लग्नाआधीच एका कुटुंबावर विघ्न आलं आहे. लग्नामुळे कुटुंबात आनंदाचं वातावरण असतानाच एका क्षणात होत्याचं नव्हतं झालं आहे. अवघ्या काही दिवसांवर लग्न येऊन ठेपलेल्या एका तरुणाचा आणि त्याच्या लग्नासाठी दुबईहून परतलेल्या वडिलांचा मुंबई-गोवा महामार्गावर झालेल्या भीषण अपघातात दुर्दैवी मृत्यू झाला आहे. रायगड जिल्ह्यातील कोलाडजवळ पुई गावाच्या हद्दीत शनिवारी पहाटेच्या सुमारास हा अपघात झाला.