Manikrao Kokate : माणिकराव कोकाटेंच्या बॅनरवरून भुजबळांचा फोटो गायब, मविआच्या नेत्याचा झळकला फोटो

Manikrao Kokate News : लक्ष्मण घाटोळ, नाशिक : सिन्नर विधानसभेचे अजित पवारांच्या राष्ट्रवादीचे आमदार माणिकराव कोकाटे यांना खातेवाटपात कृषिमंत्री पद मिळालं आहे. शनिवारी रात्री या खातेवाटपाची घोषणा झाली होती. या खातेवाटपानंतर सर्व नेते आपआपल्या जिल्हयात परतले आहेत. यावेळी या नेत्यांचे त्यांच्या गावात जंगी स्वागत होतं आहे. माणिकराव कोकाटे यांचे देखील असेच स्वागत गावात पार पडले आहे. मात्र या कोकाटे यांच्या स्वागतापेक्षा त्यांचा एका बॅनरची खुप चर्चा रंगली होती.कारण त्या बॅनरवर त्याच्याच पक्षाचे आणि जिल्ह्याचे आमदार आणि ज्येष्ठ नेते छगन भुजबळ यांचा फोटो गायब होता.या उलट या बॅनरवर भुजबळांच्या कट्टर विरोधकाचा फोटो छापण्यात आला होता. त्यामुळे या बॅनरची खूप चर्चा रंगली आहे.