धनंजय मुंडेंच्या केसाला धक्का लागला तर...मनोज जरांगे आणि सुरेश धसांना थेट धमकी; राष्ट्रवादीच्या नेत्याची पोस्ट व्हायरल

बीड : मराठा आरक्षणाचे नेते मनोज जरांगे पाटील आणि राष्ट्रवादी काँग्रेस अजित पवार गटाचे नेते धनंजय मुंडे यांच्यातील राजकीय वैर सर्वांनाच माहित आहे. त्यानंतर आता धनंजय मुंडे यांच्याबाबत करण्यात आलेल्या एका फेसबुक पोस्टमुळे मोठी खळबळ उडाली आहे. धनंजय मुंडे यांच्या केसालाही धक्का लागला तर कार्यक्रम खल्लास… भंडारा लावून बोलतोय,” अशा आशयाची पोस्ट धनंजय मुंडे यांचे निकटवर्तीय आणि परळी कृषी उत्पन्न बाजार समितीचे माजी सभापती गोविंद फड यांनी फेसबुकवर केल्याने राजकीय वर्तुळात तीव्र प्रतिक्रिया उमटत आहेत. या पोस्टमधून मराठा आरक्षण आंदोलक मनोज जरांगे पाटील आणि भाजप आमदार सुरेश धस यांना धमकीवजा इशारा देण्यात आल्याचा आरोप केला जात आहे.