Mumbra Marathi Youth : मराठी येत नाही का? तरुणाने विचारलं अन् जमावानं घेरलं, मागायला लावली माफी, पाहा व्हिडीओ

ठाणे : मागील काही दिवसांपासून मराठी-बिगर मराठी असा वाद मुंबईसह महाराष्ट्रात सुरू झाला आहे. महाराष्ट्रात राहूनही मराठी भाषेत संवाद साधण्यास माजुरड्या भाषेत नकार दिला जात असल्याच्या घटना समोर आल्या आहेत. अशीच एक घटना समोर आली आहे. मराठी भाषेत संवाद साधण्याचा आग्रह धरणं मराठी तरुणाला महागात पडलं आहे. मराठीत संवाद साधण्याचा आग्रह धरणाऱ्या तरुणाला फेरीवाल्यांनी घेराव घालत कान पकडून माफी मागण्यास भाग पाडले असल्याची घटना समोर आली आहे. धक्कादायक बाब म्हणजे पोलिसांनी मराठी तरुणावरच गुन्हा दाखल केला आहे. ठाण्यातील मुंब्रामध्ये ही घटना घडली.