Maratha Reservation : भगवं वादळ 'राजधानी'वर धडकणार, जरांगेंच्या मुंबई दौऱ्याची टाईमलाईन ठरली!

अंतरवाली सराटी : मराठा आंदोलक मनोज जरांगे पाटलांनी पुन्हा एकदा सरकारवर टीकेा केली आहे. अंतरवाली सराटीच्या नादी लागू नका, राजकीय जीवनात कधीच दिसणार नाहीत अशी वेळ तुमच्यावर येईल, असा इशारा जरांगेंनी सरकारला दिला आहे. यावेळी बोलतांना त्यांनी भुजबळांवरही नाव न घेता टीका केली. 26 जानेवारीला मुंबईत किती मराठे येतील हे फक्त बघा असा टोला जरांगेंनी भुजबळांना लगावला आहे. मनोज जरांगे पाटील यांनी अंतरवाली ते मुंबई दौऱ्यासंदर्भातील टाईमलाईनही सांगितली. अंतरवाली ते मुंबई दरम्यान 6 ठिकाणी मुक्काम असेल. दररोज साधारण 70 ते 80 किमी ही पायी रॅली असणार आहे, अशी माहितीही जरांगेंनी दिली आहे.