Mumbai Metro: 7 वर्षांनी झाली बॅरिकेट्सपासून सुटका, मेट्रो 3 लाईनवरील 19 स्टेशन्सनी घेतला मोकळा श्वास

मुंबई : वाहतूक कोंडी आणि लोकलमधील गर्दीची समस्या कमी करण्यासाठी मुंबईत ठिकठिकाणी मेट्रो कनेक्टिव्हिटी वाढवण्याचं काम सुरू आहे. कुलाबा ते सीप्झ हा भुयारी मेट्रो-3 प्रकल्प देखील या अंतर्गत येतो. मात्र, या प्रकल्पाच्या कामासाठी ठिकठिकाणी लावण्यात आलेले बॅरिकेट्स मुंबईकरांसाठी अडथळा ठरत होते. हा अडथळा जवळपास नाहीसा झाला आहे. मुंबई मेट्रो रेल कॉर्पोरेशनने (एमएमआरसी) कफ परेड ते आरे या भुयारी मेट्रो 3 लाईनवरील 90 टक्के बॅरिकेड्स हटवून स्टेशनबाहेरचे रस्ते वाहतुकीसाठी मोकळे केले आहेत.