बुलढाण्यात बोगस मतदाराला चोप, राज ठाकरेंचं आवाहन लोकांनी ऐकलं, भाषण Viral
- Published by:Akshay Adhav
Last Updated:
बुलढाणा शहरातील गांधी प्राथमिक शाळेमध्ये असलेल्या मतदान केंद्रावर दुसऱ्याच्या नावावर बोगस मतदान करण्यासाठी आलेल्या तिघा जणांविरुद्ध गुन्हा नोंद करण्यात आला आहे.
बुलढाणा : बुलढाणा नगरपालिकेच्या निवडणुकीमध्ये मतदान केंद्रावर दुसऱ्याच्या नावावर बोगस मतदान करणाऱ्या तिघांविरुद्ध आणि सरकारी कामात अडथळा आणल्या प्रकरणी दोघांविरुद्ध गुन्हा करण्यात आला आहे. तसेच आमदार संजय गायकवाड यांच्या मुलावरही गुन्हा दाखल करण्यात आलाय. बोगस मतदाराला पळून जाण्यात मदत केल्याप्रकरणी कुणाल गायकवाड यांच्यावर गुन्हा दाखल करण्यात आलाय. दरम्यान बोगस मतदाराला झोडपून काढा, असे राज ठाकरे म्हणाल्याचे भाषण मनसेने शेअर करून बुलढाण्याच्या घटनेवर कठोर शब्दात टीका केली आहे.
बुलढाणा जिल्ह्यातील १० नगरपालिकेचे अध्यक्ष आणि १२२ प्रभागाचे नगरसेवक निवडण्यासाठी सकाळी मतदान प्रक्रियेला सुरुवात झाली. बुलढाणा शहरातील गांधी प्राथमिक शाळेमध्ये असलेल्या मतदान केंद्रावर दुसऱ्याच्या नावावर बोगस मतदान करण्यासाठी आलेल्या तिघा जणांविरुद्ध गुन्हा नोंद करण्यात आला आहे. तसेच कुणाल गायकवाड यांच्यावरही पोलिसांनी गुन्ह्याची नोंद केली.
निवडणूक सुरू असतानाच राज्यभरातून तक्रारींचा पाऊस सुरू झाला आहे. त्यातीलच एक धक्कादायक प्रकार बुलडाणा जिल्ह्यात समोर आला आहे—इथे एक दुबार मतदार आढळून आला असून स्थानिक नागरिकांनी त्याचा चांगलाच समाचार घेतला..!
यापूर्वीही सकाळीच बुलडाणा जिल्ह्यात असे दोन दुबार मतदार पकडले गेले… pic.twitter.com/M51qrxojZ6
— MNS Adhikrut - मनसे अधिकृत (@mnsadhikrut) December 2, 2025
advertisement
दुबार मतदारांवर कारवाई होणारच
निवडणूक सुरू असतानाच राज्यभरातून तक्रारींचा पाऊस सुरू झाला आहे. त्यातीलच एक धक्कादायक प्रकार बुलडाणा जिल्ह्यात समोर आला आहे इथे एक दुबार मतदार आढळून आला असून स्थानिक नागरिकांनी त्याचा चांगलाच समाचार घेतला..! यापूर्वीही सकाळीच बुलडाणा जिल्ह्यात असे दोन दुबार मतदार पकडले गेले होते. हे लोक चक्क इतरांच्या नावाने मतदान करण्यासाठी आल्याचे उघड झाले. मा. राजसाहेबांनी स्पष्टपणे सांगितल्याप्रमाणे दुबार मतदार आढळल्यास त्यांच्यावर योग्य ती कारवाई होणारच. हे अशा गैरप्रकार करणाऱ्यांनी ठामपणे समजून घ्यावे.
view commentsLocation :
Buldana,Maharashtra
First Published :
December 02, 2025 10:07 PM IST


