मुंबईच्या माजी महापौर शुभा राऊळ यांचा राजीनामा, ठाकरेंना धक्का, भाजप नेत्यांच्या भेटीगाठींना सुरुवात

मुंबई : महापालिका निवडणुकीला रंग चढायला सुरुवात झालेली असतानाच आणि प्रत्यक्ष मतदानाला अगदी १० दिवस बाकी असताना मुंबईच्या माजी महापौर शुभा राऊळ यांनी राजीनामा दिला आहे. राऊळ यांच्या राजीनाम्याने महापालिका निवडणुकीपूर्वी उद्धव ठाकरे यांना धक्का बसला आहे. काही कारणास्तव राजीनामा देत असल्याचे त्यांनी पत्रात म्हटले आहे. दुसरीकडे शिवसेना राजीनामा दिल्यानंतर त्यांनी आमदार प्रवीण दरेकर यांच्या निवासस्थानी मंत्री आशिष शेलार यांची भेट घेतल्याने त्यांच्या भाजप प्रवेशाविषयी चर्चा सुरू आहेत.