Fish : सुट्टीच्या दिवशी ताटात मच्छी लागतेच? मग 'या' दोन माशांचे फायदे नक्की जाणून घ्या; हृदयविकार ते मधुमेहावर रामबाण

असे अनेक लोक आहेत ज्यांना सुट्टीच्या दिवशी किवा रविवारी जेवणाच्या ताटात माशाचा तुकडा असल्याशिवाय अनेकांचे जेवण पूर्ण होत नाही. पण तुम्हाला माहीत आहे का, बाजारात मिळणारे दोन विशिष्ट मासे तुमच्या शरीरासाठी एखाद्या औषधाप्रमाणे काम करू शकतात? हो हे मासे वेगवेगळ्या आजारांवर देखील फायदेशीर आहे अगदी मधुमेहावर देखील हा मासा फायदेशीर आहे, हे ऐकून तर अनेकांसाठी मासे खाण्याची मजा आणखीच वाढणार आहे.

दुपारच्या जेवणात गरम भात आणि माशाचं रस्सा (Curry) असेल, तर पोट आणि मन दोन्ही तृप्त होतं. मांसाहारी जेवणात चिकन किंवा मटनपेक्षा मासे खाण्याचे फायदे सर्वात जास्त आहेत, असे पोषणतज्ज्ञ नेहमीच सांगतात. पण अनेकदा आपण बाजारात गेल्यावर संभ्रमात पडतो की नक्की कोणता मासा घ्यावा? अनेकजण नेहमीचेच रावस, पापलेट किंवा कोळंबी घेऊन घरी येतात.

मात्र, तज्ज्ञांच्या मते अशा दोन 'जादुई' माशांच्या प्रजाती आहेत, ज्या मधुमेह, उच्च रक्तदाब, लिव्हरच्या समस्या आणि वजन कमी करण्यासाठी अत्यंत प्रभावी ठरतात. या हिवाळ्यात आजारांपासून दूर राहण्यासाठी हे मासे तुमच्या आहारात असणे गरजेचे आहे.

1. कोडुवा मासा (Koduva Fish) मधुमेहावर रामबाणकोडुवा मासा हा आरोग्याचा खजिना मानला जातो. पश्चिम बंगालमधील बेल्डा कॉलेजच्या पोषणतज्ज्ञांनी केलेल्या संशोधनानुसार, या माशाचे पौष्टिक मूल्य इतर अनेक माशांच्या तुलनेत कितीतरी जास्त आहे. हा मासा रक्तदाब (Blood Pressure) नियंत्रित ठेवण्यास मदत करतो आणि शरीराची रोगप्रतिकारशक्ती वाढवतो. विशेषतः ज्यांना लिव्हरच्या समस्या किंवा मधुमेह (Diabetes) आहे, त्यांच्यासाठी हा मासा अत्यंत फायदेशीर ठरतो.या माशाचा वास थोडा उग्र असू शकतो, पण त्याचे फायदे पाहता आठवड्यातून किमान एक-दोनदा याचा आहारात समावेश करणे फायद्याचे ठरेल.

2. कोरल रीफ आणि पावला पराई (Local Fish/Coral Reef Fish)अनेकदा आपण महागड्या माशांच्या मागे लागतो, पण तज्ज्ञांच्या मते 'पावला पराई' सारखे स्थानिक मासे कमी किमतीत जास्त पोषण देतात. कोरल रीफमध्ये आढळणारे मासे ओमेगा-3 फॅटी ॲसिडने समृद्ध असतात. ओमेगा-3 फॅटी ॲसिड शरीरातील सूज कमी करते आणि ट्रायग्लिसराइड्सची पातळी घटवते. संशोधनानुसार, दररोज ठराविक प्रमाणात ओमेगा-3 घेतल्यास हृदयविकाराने होणाऱ्या मृत्यूचा धोका 35 टक्क्यांपर्यंत कमी होऊ शकतो.वजन कमी करण्यासाठी: या माशांमध्ये फॅट्स कमी आणि प्रथिने (Protein) जास्त असतात, जे वजन कमी करू इच्छिणाऱ्यांसाठी उत्तम आहेत. तसेच यातील पोटॅशियम रक्तदाब नियंत्रित ठेवण्यास मदत करते.

सौंदर्यासाठीही फायदेशीरकेवळ अंतर्गत आरोग्यच नाही, तर या माशांमधील पोषक तत्वे तुमची त्वचा सतेज ठेवण्यासाठी आणि केसांच्या आरोग्यासाठीही चमत्कारिकरीत्या काम करतात. सांधेदुखीचा त्रास असलेल्या लोकांसाठी हे मासे एखाद्या नैसर्गिक औषधासारखे कार्य करतात.

थोडक्यात सांगायचे तर... बाजारात मिळणारे स्वस्त आणि स्थानिक मासे अनेकदा महागड्या माशांपेक्षा जास्त आरोग्यदायी असतात. त्यामुळे पुढच्या वेळी मासे खरेदी करताना कोडुवा किंवा स्थानिक ओमेगा-3 युक्त माशांना नक्की पसंती द्या.

नोट : ही माहिती सामान्य ज्ञानावर आधारित आहे. कोणताही मोठा बदल करण्यापूर्वी किंवा औषध म्हणून वापरण्यापूर्वी आहारतज्ज्ञांचा सल्ला नक्की घ्या. न्यूज 18 मराठी याची पुष्टी करत नाही. आमचा उद्देश तुमच्यापर्यंत माहिती पोहोचवण्याचा आहे.