Mazagon Dock Apprentice: माझगाव डॉक कंपनीत अप्रेंटिसशिपला अर्ज करण्यासाठी शेवटची तारीख, अर्ज कुठे अन् कसा करायचा?

माझगाव डॉक शिपबिल्डर्स लिमिटेडने ट्रेड अप्रेंटिस पदांसाठीच्या भरतीसाठी अधिसूचना जारी केली. इच्छुक आणि पात्र उमेदवार अधिकृत वेबसाइट mazagondock.in ला भेट देऊन ऑनलाइन अर्ज करू शकणार आहेत. अर्ज करण्याची अंतिम तारीख 05 जानेवारी अर्थात उद्याची आहे. पदवीधर अप्रेंटिसशिप साठी आणि डिप्लोमा अप्रेंटिसशिप साठी नोकरभरती वेगवेगळी होणार आहे. पण दोघांचीही पदे सारखे असणार आहेत. सिव्हिल, कॉम्प्युटर, इलेक्ट्रिकल, इलेक्ट्रॉनिक्स अँड टेलिकम्युनिकेशन, मेकॅनिकल, शिपबिल्डिंग टेक्नोलॉजी/ Naval Architecture, B.Com, BCA, BBA आणि BSW अशा वेगवेगळ्या पदांसाठी तरूण नोकरभरतीमध्ये सहभागी होऊ शकता.

दरम्यान, पदवीधर अप्रेंटिसशिपसाठी 170 पदे आहेत, तर डिप्लोमा अप्रेंटिसशिपसाठी 30 पदांसाठी नोकरभरती केली जाणार आहे. अशा पद्धतीने एकूण 200 पदांवर नोकरभरती केली जाणार आहे. अर्ज करणाऱ्या उमेदवारांचे वय 01 मार्च 2026 रोजी 18 ते 27 वर्षापर्यंत पूर्ण हवे. SC/ ST उमेदवारांना वयामध्ये 05 वर्षांची सूट आणि OBC उमेदवारांना वयामध्ये 03 वर्षांची सूट असणार आहे. अर्जदारांना महत्त्वाची गोष्ट म्हणजे, अर्जदाराला फॉर्म भरण्यासाठी फी नसणार आहे. प्रत्येक अर्जदाराला फी नसेल. दरम्यान, पदवीधर अप्रेंटिसशिपसाठी 12,300 रूपये इतका पगार असेल तर, डिप्लोमा अप्रेंटिसशिपसाठी 10,900 रूपये इतका पगार असेल.

इच्छुक उमेदवारांनी एक व्यवस्थित जाहिरातीची PDF वाचूनच मग अर्ज करायचा आहे. आपण कोणत्या पदासाठी पात्र आहोत, आपली शैक्षणिक पात्रता जुळते का, अशी सर्व माहिती अर्जदारांनी व्यवस्थित पाहून अर्ज भरायचाय.

जाहिरातीची लिंक- https://drive.google.com/file/d/1vKbT5tj0VK6VQQcld2wKG5xmJlODd2yK/view

ऑनलाईन अर्जासाठी लिंक- https://mazagondock.in/app/mdlapprentice/Login.aspx