मुंबई-गोवा हायवेवर भीषण अपघात, दोघांचा जागीच मृत्यू, कारमध्ये अडकले मृतदेह

मोहन जाधव, प्रतिनिधी रायगड: मुंबई-गोवा राष्ट्रीय महामार्गावर शनिवारी सकाळी एक अत्यंत भीषण अपघात झाला असून यामध्ये दोन व्यक्तींचा दुर्दैवी मृत्यू झाला आहे. मुंबईकडून कोकणाच्या दिशेने भरधाव वेगाने जात असलेल्या एका कारने मागून कंटेनरला जोरदार धडक दिली. या अपघातात कारचा चक्काचूर झाला असून कारमधील दोघांचा जागीच मृत्यू झाला आहे. उर्वरित जखमींना तातडीने रुग्णालयात दाखल केलं असून त्यांच्यावर उपचार सुरू आहेत.