'...त्यानंतर कारवाई करू', पार्थ पवारांच्या क्लीन चीटवर भाजपच्या मंत्र्याचं मोठं विधान

अविनाश कानडजे, प्रतिनिधी छत्रपती संभाजीनगर: पुण्यातील मुंढवा जमीन गैरव्यवहार प्रकरणात पुणे पोलिसांच्या आर्थिक गुन्हे शाखेने मोठी कारवाई केली आहे. बुधवारी पोलिसांनी मुख्य आरोपी शीतल तेजवाणी हिच्याविरोधात तब्बल १८८६ पानांचे दोषारोपपत्र न्यायालयात दाखल केलं आहे. विशेष बाब म्हणजे, या चार्जशीटमध्ये पार्थ पवार आणि दिग्विजय पाटील यांची नावे समाविष्ट करण्यात आलेली नाहीत. त्यामुळे या दोघांना या प्रकरणात मोठा दिलासा मिळाला आहे. या प्रकरणातून एकप्रकारे त्यांना क्लीन चीट दिल्याची चर्चा सुरू आहे.