BMC Election: आजपासून महापालिका निवडणुकांचा धुरळा, उमेदवारी अर्ज भरण्यास सुरुवात, युती-आघाडीचा घोळ सुटणार?

मुंबई : राज्यातील नगर परिषदांच्या निवडणूक निकालानंतर आता राज्यात आजपासून महापालिका निवडणुकांचा धुरळा आजपासून उडणार आहे. नगरपालिका आणि नगरपंचायतींचे निकाल जाहीर झाल्यानंतर आता राज्यातील राजकारणाचे लक्ष थेट महानगरपालिका निवडणुकांकडे वळले आहे. मंगळवारपासून मुंबईसह राज्यातील २९ महानगरपालिकांसाठी निवडणूक प्रक्रियेला अधिकृत सुरुवात होत असून उमेदवारी अर्ज दाखल करण्याची प्रक्रिया सुरू होणार आहे. मात्र, निवडणुकीच्या तोंडावरही महायुती आणि महाविकास आघाडी या दोन्ही आघाड्यांचे चित्र अद्याप अस्पष्टच आहे. दोन्ही बाजूंमध्ये युती–आघाडीच्या चर्चा अंतिम टप्प्यात असल्याचे सांगितले जात असले तरी ठोस निर्णय झालेला नाही.