तो आला, घट्ट पकडलं अन् ओढत नेलं, संभाजीनगरात मध्यरात्री तरुणीसोबत धक्कादायक प्रकार, CCTV VIDEO समोर

अविनाश कानडजे, प्रतिनिधी छत्रपती संभाजीनगर: छत्रपती संभाजीनगर शहरातील क्रांती चौक पोलीस ठाण्याच्या हद्दीत एक धक्कादायक प्रकार उघडकीस आला आहे. येथील नागेश्वरवाडी परिसरात मध्यरात्री एका तरुणाने तरुणीला भररस्त्यात ओढत नेल्याचा प्रकार समोर आला आहे. तब्बल १० ते १५ मिनिटं आरोपी तरुण तरुणीला ओढत घेऊन जात होता. विविध सीसीटीव्ही कॅमेऱ्यात हा प्रकार कैद झाला आहे. या घटनेचा व्हिडीओ समोर आला असून सोशल मीडियावर व्हायरल झाला आहे.