दारू पिऊन वहिनीला शिवीगाळ, भावाला राग अनावर, छोट्या भावाला जागेवर संपवलं

नागपुरातील बेलतरोडी पोलिस स्टेशन हद्दीतील खापरी पुनर्वसन भागात राहणाऱ्या सख्ख्या मोठ्या भावाने आपल्या लहान भावाच्या गळ्यावर चाकूचा वार करून त्याला ठार केले. पोलीस स्टेशनमध्ये जाऊन हरीशने आपल्या कृत्याची कबुली दिली.

वैभवला दारू पिण्याची सवय होती. त्याच्या या सवयीचा कुटुंबियांना नेहमी त्रास होत असे. त्यामुळे दोघा भावांमध्ये नेहमी वाद होत असे. शनिवारी दुपारी वैभव दारू पिऊन घरी आला असता त्याने हरीशच्या मुलांना आणि पत्नीला शिवीगाळ केली. मोठ्या भावाने (हरीश) विचारणा केली असता त्याने वैभवने त्याला थेट शिवीगाळ करण्यास सुरुवात केली.

वैभवने केलेल्या शिवीगाळीचा राग आल्याने आरोपी हरीशने छोट्या भावाच्या गळ्यावर चाकूचा वार केला, यातच त्याचा जागीच मृत्यू झाला. आरोपीने स्वतः पोलीस स्टेशनला जाऊन केलेल्या गुन्ह्याची कबुली दिली. मी माझ्या भावाची हत्या केली आहे, असे त्याने पोलिसांना जाऊन सांगितले. पोलिसांनी आरोपीवर खुनाचा गुन्हा दाखल करत हरीश जुमडे याला अटक केली आहे.