त्यांच्या खिशात देशी कट्टा आणि जिवंत काडतूस... पोलिसांना खबर लागली, दोघांना बेड्या

कळमना पोलीस स्टेशन पथक रात्रीच्या वेळी पेट्रोलिंग करीत असताना त्यांना माहिती मिळाली की नवीन आर.टी.ओ. कार्यालय जवळ, चिखली येथे दोन इसम अग्नि शस्त्रासह येणार आहे. अशा माहितीवरून त्या ठिकाणी सापळा रचुन एका पांढऱ्या रंगाच्या मोपेड गाडीवरून आलेल्या इसमांचा पाठलाग करून दोघांना ताब्यात घेतले.

आरोपींची विचारपूस केली असता सोनु त्रिवेदी, सहदेव शाहु असे दोन आरोपी मिळून आले. त्यांची अंगझडती घेतली असता खिशात एक देशी बनावटीचा कट्टा आणि दोन जिवंत काडतुस मिळुन आले. आरोपीचे ताब्यातून देशी कट्टा, दोन जिवंत काडतुस आणि गुन्ह्यात वापरलेले वाहन मोपेड असा एकूण किंमती एक लाख ४० हजार रूपये मुद्देमाल जप्त करण्यात आला आहे. दोन्ही आरोपींना अटक केली असून एका कुख्यात आरोपीचा शोध पोलीस घेत आहे.