रातोरात 1000 कोंबड्यांनी मान टाकली, नागपुरात वेगानं पसरणाऱ्या Virus चा धोका, प्रशासन अलर्टवर

1000 कोंबड्यांचा अचानक मृत्यू झाल्याने यंत्रणा सतर्क झाली, प्रतिबंधात्मक उपाययोजना सुरू करण्यात आली आहे. नागपूरच्या सेमिनरी हिल्स इथे मध्यवर्ती शासकीय अंडी उबवणी केंद्रात सोमवारी उशिरा बर्ड फ्लूच्या उद्रेक झाल्याची माहिती मिळाली आहे. सुमारे ८०० ते १००० पक्ष्यांचा मृत्यू झाल्यानंतर, भोपाळ येथील 'सीएसआयआर-नॅशनल इन्स्टिट्यूट ऑफ हाय सिक्युरिटी ॲनिमल डिसीजेस' प्रयोगशाळेने संसर्गावर शिक्कामोर्तब केले आहे. यामुळे तातडीने प्रतिबंधात्मक उपाययोजना आणि प्रशासकीय कारवाई सुरू करण्यात आली आहे.

या आजाराचा सर्वात जास्त धोका कुक्कुटपालन करणाऱ्या व्यवसायिकांना आहे. संसर्ग झालेल्या पक्ष्यांच्या विष्ठा, लाळ किंवा संपर्कात आल्यास माणसांना हा आजार होऊ शकतो. ताप, खोकला, घसा खवखवणे, स्नायू दुखणे, श्वास घेण्यास त्रास आणि न्यूमोनिया ही प्राथमिक लक्षणं दिसून येतात. नागपुरात बर्ड फ्लूचा धोका असल्याने प्रशासकीय यंत्रणा देखील सतर्क झाली आहे.

मृत किंवा आजारी पक्ष्यांपासून दूर राहा.

चिकन, अंडी, आणि इतर पोल्ट्री उत्पादने चांगल्या प्रकारे शिजवून खाल्ल्यास संसर्गाचा धोका कमी असतो.

कच्चे किंवा अर्धवट शिजवलेले मांस खाणे टाळा.