भाजपची नेता सना खानने पतीला दिले होते 50 लाख, पैसे परत मागताच केला खून

नागपूर, 12 ऑगस्ट : भाजपच्या नागपूरमधील नेत्या सना खान हिच्या खून प्रकरणी आता मोठा खुलासा झाला आहे. तिचा पती अमित साहूनेच तिची हत्या करून मृतदेह हिरन नदीत फेकून दिला होता. पोलीस आता मृतदेहाचा शोध घेत आहेत. दरम्यान, अमितने पत्नी सना खानची हत्या ही पैशांच्या व्यवहारातून केली असल्याचं समोर येतंय. अमित साहूने पत्नीकडून ५० लाख रुपये इतकी रक्कम पार्टनरशिपसाठी घेतली होती. सनाने हे पैसे परत मागितले तेव्हा दोघांमध्ये वाद झाला. यानंतर आरोपीने खून केला. पोलिसांनी त्याला अटक केली असून त्याची चौकशी करत आहेत.