नागपुरातील सर्वात श्रीमंत गणपती, दरवर्षी एक इंचानं वाढते बाप्पाची मूर्ती
- Published by:News18 Marathi
Last Updated:
नागपूरातील सर्वात श्रीमंत गणपती म्हणून या मंडळाचा लौकिक आहे.
नागपूर, 22 सप्टेंबर : घराघरात आरतीचा सूर,रस्त्यांवर ढोल ताशांचा ठेका, आसमंतात गुलालाची उधळण आणि प्रत्येकाच्या मुखी गणपती बाप्पा मोरयाच्या जयघोषात आपल्या लाडक्या बाप्पाचे गणेश चतुर्थीला मोठ्या थाटात आगमन झाले आहे. नागपुरात देखील सर्वात श्रीमंत आणि मानाचा गणपती समजल्या जाणाऱ्या नागपूरच्या राजाचे देखील मोठ्या थाटात आगमन झालंय. पहिल्या दिवसापासूनच भाविकांची मोठी गर्दी बापाच्या दर्शनासाठी होतीय. नागपूरचा राजा म्हणून नाव लौकिक जपणारा या गणरायाचे काय आहे वैशिष्ट हे जाणून घेऊया.
मुंबईतील लालबागचा राजा, पुण्यातील दगडूशेठ हलवाई गणपती इत्यादींच्या धर्तीवर नागपुरातील नागपूरचा राजा नावारुपास आला आहे. नागपूरचा राजा गणेशोत्सव मंडळाचे अध्यक्ष असलेले दीपक जयस्वाल हे मुंबईवरून नागपुरात आले असता त्यांनी मुंबई, पुण्याच्या प्रतिष्ठित मनाच्या गणपतीच्या धर्तीवर नागपुरात देखील त्याच छाटणीचा गणेशोत्सव साजरा व्हावा अशी संकल्पना आमच्यापुढे मांडली आणि 1995 साली या गणेश मंडळाची स्थापना झाली.
advertisement
यंदाचे हे 27वें वर्ष आहे. दरवर्षी गणेश मूर्तीची उंची एक एक इंचांनी वाढत असते. नागपुरातील अतिशय श्रीमंत आणि मानाच्या गणपतीतील अग्रगण्य असा या मंडळाचे लौकिक आहे. दरवर्षी गणेश मूर्तीवर एक सोन्याचा दागिना चढत असतो. आज घडीला गणेश मूर्तीवर सोन्याचा पंजा, सोन्याचे पाय गळ्यात सोन्याचा हार चांदीचे मुकुट माणिक मोते असे विविध आभूषणांनी गणेश मूर्ती सजली आहे.अशी माहिती मंडळाचे पदाधिकारी भाऊ पत्की यांनी दिली.
advertisement
नागपूरच्या राजाच्या दर्शनासाठी दरवर्षी विदर्भासह जवळच्या राज्यातले गणेशभक्त येत असतात. या बाप्पाच्या दर्शनानं इच्छित मनोकामना पूर्ण होतात, अशी भाविकांची श्रद्धा आहे. दहा दिवसांमध्ये पन्नास हजारांपेक्षा जास्त भाविक दर्शनासाठी येतील असा अंदाज आहे. यंदा 1000 मोदकांचा गणेश याग दहा दिवस चालणार आहे, अशी माहिती पत्की यांनी दिली.
advertisement
Location :
Nagpur,Maharashtra
First Published :
September 22, 2023 9:01 AM IST
मराठी बातम्या/महाराष्ट्र/नागपूर/
नागपुरातील सर्वात श्रीमंत गणपती, दरवर्षी एक इंचानं वाढते बाप्पाची मूर्ती
