111 वर्षांचं घड्याळ अन् एकदाही पडलं नाही बंद, ब्रिटिशकालीन टिक-टिक अद्याप सुरूच
- Published by:News18 Lokmat
Last Updated:
महाराष्ट्रातील एका पोलीस मुख्यालयातील 111 वर्षांचं ब्रिटिशकालीन घड्याळ अद्याप सुरू आहे.
नागपूर, 6 ऑगस्ट: ब्रिटिशांनी भारतावर सुमारे 150 वर्ष राज्य केले. यादरम्यान ब्रिटिशांनी भारतभर अनेक वास्तू निर्माण केल्या. त्यांच्या खाणाखुणा आज ठिकठिकाणी बघायला मिळतात. नागपूर शहरातील एक ब्रिटीशकालीन वास्तू म्हणजे पोलीस मुख्यालयची पुरातन इमारत होय. ब्रिटिशांनी या इमारतीची निर्मिती 1912 साली केली. याच वेळी या इमारतीवर एक मोठे घड्याळ बसवण्यात आले होते. आज 2023 साली या इमारतीसह घड्याळाला तब्बल 111 वर्ष पूर्ण होत आहे. विशेष बाब म्हणजे या काळात घड्याळीची कधीही दुरुस्ती करण्याची वेळ आली नाही किंवा ही घडी बंद पडलेली नाही.
पूर्णतः मेंटेनन्स फ्री घड्याळ
या घड्याळीचे आणखी एक वैशिष्ट्य म्हणजे ही घड्याळ पूर्णतः मेंटेनन्स फ्री आहे. आठवड्यातून दोन वेळा याला चावी द्यावी लागते. सध्याच्या काळातही या पोलीस मुख्यालयातील कामकाज याच घड्याळाच्या टिक टिकवर चालतं. या पोलीस मुख्यालयात असलेल्या पोलिसांसह अनेकांचे या घड्याळासोबत एक भावनिक नाते असून त्याचे वैभव आजदेखील कायम आहे.
advertisement
कधीच बंद पडले नाही घड्याळ
या घड्याळी विषयी अधिक माहिती देताना येथे कार्यरत असलेले राखीव पोलीस उपनिरीक्षक विनोद तिवारी असे म्हणाले कि, माझा जन्म आणि बालपण याच मुख्यालयाच्या परिसरात असलेल्या पोलीस टाकळी येथे गेले. तेव्हापासून मी हे घड्याळ मी बघतो आहे. आज तागायत हे घड्याळ कधी बंद पडलं किंवा कधी चुकीचा टाईम सांगितला किंवा त्यात काही बिघाड झाल्याचे माझ्या तरी पाहणीत नाही. पोलिस मुख्यालयाची वास्तू ही ब्रिटीशकालीन आहे. या इमारतीच्या निर्मितीच्या वेळीच या घड्याळाची निर्मिती केली गेली. तसे वर्ष देखील या इमारत आणि घडीवर नोंद आहे. विशेष बाब म्हणजे याचा मेंटेनन्स म्हणून काहीही नाही. फक्त त्याचे ग्रीस आणि ऑईलिंग तेवढे केलं म्हणजे झाले.
advertisement
काय आहेत घड्याळाची वैशिष्ट्ये?
या घड्याळीची काही खास वैशिष्ट्ये आहेत. ते प्रत्येक अर्ध्या तासानंतर एक ठोका देते. तसेच या घडाळीत जितके वाजले त्याप्रमाणे ती तितके ठोके देते. उदाहरणार्थ समजा बारा वाजले असतील तर बारा ठोके दिले जातात. आजही पोलीस मुख्यालयातील कामकाज याच घड्याळाच्या टिकटिक वर सुरू आहे. येथे कार्यरत असलेल्या क्वार्टर गार्ड ही मुख्यालयाची ड्युटी देखील याच घड्याळाच्या आवाजावरून बदलत असतात. त्याच्या ठोक्यांचा आवाज एवढा मोठा असतो की परिसरातील सर्वांना तो ऐकू जातो. हे घड्याळ नागपूर पोलीस मुख्यालयासह शहराचे एक ऐतिहासिक वैभव असल्याचे मत विनोद तिवारी यांनी बोलताना व्यक्त केले.
Location :
Nagpur,Maharashtra
First Published :
August 06, 2023 3:00 PM IST
मराठी बातम्या/महाराष्ट्र/नागपूर/
111 वर्षांचं घड्याळ अन् एकदाही पडलं नाही बंद, ब्रिटिशकालीन टिक-टिक अद्याप सुरूच
