10 दिवसांच्या लेकराला छातीशी कवटाळून आई पोहोचली 12 वीच्या परीक्षेला, काळजाला भिडणारी मराठी तरुणीची कहाणी

शीतलने अवघ्या १० दिवसांपूर्वी एका गोंडस बाळाला जन्म दिला. बारावीची परीक्षा असल्याने ती डगमगली नाही. तिने पोराला छातीशी कवटाळलं, तिने आराम करण्याऐवजी जिद्दीनं परीक्षा केंद्रावर पेपर देण्यासाठी हजर झाली.

नांदेडच्या पीपल्स कॉलेजमधील ते दृश्य पाहून अनेकांचा कंठ दाटून आला. शीतल जेव्हा बाळाला घेऊन आली, तेव्हा कॉलेज प्रशासनानेही माणुसकीचं दाखवलं. "ही मुलगी एवढ्या कष्टाने येतेय, तर आपण तिच्यासाठी काय करू शकतो?" असा विचार करून प्राचार्य डॉ. शिवशंकर भानेगावकर आणि त्यांच्या टीमने तातडीने तिथे एक 'मातृस्नेह कक्ष' तयार केला. तिथे बाळासाठी पाळणा लावला. आता शीतल तिथे शांतपणे पेपर लिहित होती आणि तिचं बाळ पाळण्यात होतं.

शीतलचं दोन वर्षांपूर्वी लग्न झालंय. तिचा पती कामानिमित्त दिवसभर बाहेर असतो. घरी बाळाला सांभाळायला कोणीही नाही. अशा वेळी "बाळ लहान आहे, पुढच्या वर्षी परीक्षा देऊ" असं म्हणणं सोपं होतं. पण शीतल म्हणाली, "हे वर्ष माझ्यासाठी खूप महत्त्वाचं आहे.