निवडणुकीसाठी तयारी पण मुद्दाम कानाडोळा, नांदेडमध्ये काँग्रेसची अंतर्गत गटबाजी चव्हाट्यावर

नांदेड : नांदेड जिल्ह्यातील नायगाव मतदार संघातील काँगेस पक्षातील गटबाजी चव्हाट्यावर आली आहे. नायगाव विधानसभा मतदारसंघात आज काँगेस पक्षाकडून दिवंगत खासदार वसंत चव्हाण यांच्या स्मृतीप्रीत्यर्थ शोकसभेचे आयोजन करण्यात आले होते. मात्र या शोकसभेच्या बॅनरवर माजी खासदार भास्करराव पाटील खतगावकर यांचे फोटो लावण्यात आला नाही. विशेष म्हणजे नायगाव मतदारसंघात खतगावकर यांच्या सून मीनल खतगावकर यांनी काँगेस पक्षाच्या उमेदवार म्हणून प्रचार सुरु केला आहे.