Nashik Captain Kharat: कॅ. खरातचं धक्कादायक कांड, महिलेसोबतचा आक्षेपार्ह Video, केबिनबाहेर लोकांच्या रांगा-बाबा चाळ्यात गुंग...!

लक्ष्मण घाटोळ, प्रतिनिधी, नाशिक : ज्योतिषी म्हणवून घेणाऱ्या सिन्नरमधील कॅ. अशोक खरात याची काळीकृत्ये लोकांसमोर आली आहेत. एका ३५ वर्षीय महिलेने त्याच्यावर बलात्काराचा आरोप केला आहे. पोलिसांनी गुन्हा दाखल केला असून त्याच्यावर अटकेची कारवाई करण्यात आली आहे. कॅप्टन अशोक खरात याला न्यायालयात हजर करण्यात आले असून त्याला २४ मार्चपर्यंत पोलीस कोठडी सुनावण्यात आली आहे. दरम्यान, कॅप्टन खरात याचा एका महिलेसोबतचा अत्यंत आक्षेपार्ह व्हिडीओ समोर आला आहे. कॅप्टन थोरात याच्या दालनाबाहेर शेकडो लोकांची गर्दी असताना दालनामध्ये एका महिलेसोबत पूजा करण्याचे नाटक करून तो अत्यंत आक्षेपार्ह कृत्य करीत असल्याचे दिसून येते.