Nashik News: ब्रह्मगिरी आणि अंजनेरी पर्वतादरम्यानचा प्रवास सुस्साट होणार, ३ तासांचे अंतर ११ मिनिटांत पार!

रोपवेच्या कामाची जबाबदारी 'बर्नार्ड' नावाच्या कंपनीला देण्यात आली आहे. अलीकडेच रोपवेच्या कामाला प्रशासनाकडून मंजूरी मिळाली असून लवकरच रोपवेच्या कामाला सुरूवात होणार आहे. दरम्यान, जमीन मालकांना थेट खरेदीसाठी नोटीस बजावण्यात आली असून 15 दिवसांमध्ये काही हरकती असल्यास सादर करण्यासाठी सांगितले आहे. 2027 मध्ये येणाऱ्या सिंहस्थ कुंभमेळ्याच्या आधी हे काम पूर्ण करण्याचा मानस नजरेसमोर ठेवण्यात आला आहे. एकूण 18 टॉवर्सवरून अंजनेरी ते ब्रह्मगिरीपर्यंत 'रोप- वे' उभारणार असल्याचे बोलले जात आहे. एकूण संपूर्ण प्रकल्पाला 550 कोटींचा खर्च लागण्याची शक्यता आहे. संपूर्ण काम होण्यासाठी जेमतेम दोन वर्षांचा वेळ लागण्याची शक्यता आहे. अंजनेरी ते ब्रह्मगिरीपर्यंत या रोप- वेची निर्मिती केली जाणार असल्याचे बोलले जात आहे. प्रशासनाकडून नुकताच जमीन संपादन प्रक्रियेला सुरूवात करण्यात आली आहे.