Women Success Story: सातवीत असतानाच वडिलांचं छत्र हरपलं, सुरू केला व्यवसाय, महिन्याला 60000 कमाई

आता हिना नाशिकमध्ये तब्बल 7 ते 8 प्रकारचे विविध स्किल क्लासेस सुद्धा घेत असतात आणि या माध्यमातून त्या स्वतः देखील रोजगार मिळवत आहेत आणि इतरांना देखील देत असल्याचे त्यांनी लोकल 18 सोबत बोलताना सांगितले. 

लहानपणीच वडिलांचा हात डोक्यावरून जाणे हाच खूप मोठा धक्का असतो आणि हेच सर्व हिना यांनी देखील सहन केले. वडील गेल्यानंतर काकांनी सांभाळ केला, परंतु शिक्षण आणि लहान बहिणीची संपूर्ण जबाबदारी आईवर पडली. घरातील मोठी असल्याने आपणच आईला मदत करू याकरता शाळा शिकत असताना हिना या छोट्या-मोठ्या मेहंदीच्या ऑर्डर घेऊ लागल्या. 200 रुपयात सुरुवात केलेल्या या क्षेत्रात कमी वयातच चांगली ओळख हिना यांना मिळाली.