भाविकांसाठी खूशखबर! सप्तशृंगी मातेचं आता 24 तास दर्शन, त्र्यंबकेश्वर मंदिराचाही मोठा निर्णय

कळवण तालुक्यातील श्रीक्षेत्र सप्तश्रृंगगड येथे दर्शनासाठी येणाऱ्या लाखो भाविकांना सुलभ आणि समाधानकारक दर्शन मिळावे, यासाठी देवस्थान प्रशासनाने मंदिर 24 तास खुले ठेवण्याचा महत्त्वपूर्ण निर्णय घेतला आहे. तर मंगळवार, 30 डिसेंबर 2025 ते रविवार, 4 जानेवारी 2026. या पाच दिवसांच्या काळात मंदिर दर्शनासाठी एक क्षणही बंद होणार नाही, ज्यामुळे भाविकांना गर्दीच्या त्रासाशिवाय दर्शन घेता येईल.

दक्षिण गंगा मानल्या जाणाऱ्या गोदावरीच्या तटी, त्र्यंबकेश्वर ज्योतिर्लिंग मंदिराच्या वेळेतही बदल करण्यात आला आहे. वाढत्या गर्दीचे नियोजन करण्यासाठी मंदिर प्रशासनाने द्वार उघडण्याची वेळ एक तास अलीकडे आणली आहे.