New Rent Rule : घरमालकांसाठी धोक्याची घंटा; 'हे' काम न करता घर भाड्याने देणे पडणार महागात
- Published by:Tanvi
- local18
- Reported by:Kunal Santosh Dandgaval
Last Updated:
New Rent Agreement Rule 2025 :नवीन भाडे करार 2025 नुसार दोन महिन्यांत नोंदणी करणे अनिवार्य करण्यात आले आहे. ठरलेल्या वेळेत करार नोंदणी न केल्यास घरमालक आणि भाडेकरू दोघांनाही दंड आकारला जाईल
नाशिक : भाडेकरू आणि घरमालक यांच्यातील वर्षानुवर्षांचे वाद संपुष्टात आणण्यासाठी केंद्र सरकारने महत्त्वाचे पाऊल उचलले आहे. देशभरात 'नवीन भाडे करार 2025' 1 जानेवारी 2025 पासून लागू करण्यात आला आहे. यामुळे आता भाडे बाजारात शिस्त, सुरक्षितता आणि कायदेशीर व्यवहार होणार आहेत.
प्रमुख बदल आणि भाडेकराराच्या नियमावलीतील महत्त्वाचे मुद्दे:
1-नोंदणी अनिवार्य आणि वेळेची मर्यादा:आता प्रत्येक भाडेकरार दोन महिन्यांत नोंदवणे बंधनकारक आहे.नोंदणी न केल्यास घरमालक आणि भाडेकरू या दोघांनाही ₹5,000/- दंड आकारला जाईल. नोंदणीची जबाबदारी दोघांचीही संयुक्त असेल.
डिपॉझिट (अनामत रक्कम) मर्यादा:
1- घरमालकांना डिपॉझिट म्हणून केवळ दोन महिन्यांचे भाडे घेता येईल.
2-काही शहरांमध्ये 6 ते 12 महिन्यांचे डिपॉझिट मागितले जात होते, त्यावर आता कायदेशीर बंदी येणार आहे.
advertisement
जलद वाद निवारण 'भाडे लवादा'द्वारे:
1-भाडे थकवल्यास किंवा अटी मोडल्यास घरमालकाला थेट न्यायालयात न जाता 'भाडे लवादाकडे' (Rent Tribunal) जाण्याचा अधिकार मिळेल.
2- या नव्या तरतुदीमुळे भाडेकरू-घरमालक यांच्यातील कोणताही वाद केवळ 60 दिवसांत निकाली काढणे बंधनकारक असेल, ज्यामुळे वर्षांनुवर्षे चालणाऱ्या प्रकरणांना आळा बसेल.
नोटीस बंधनकारक
1-भाडेवाढ करण्यापूर्वी किंवा भाडेकरूला घर खाली करण्यास सांगण्यापूर्वी किमान 30 दिवसांची लेखी नोटीस देणे अनिवार्य आहे.
advertisement
2- नोटीस न देता बेदखली करणे किंवा भाडेवाढ करणे 'गैरकायदेशीर' मानले जाईल.
अशी असेल नोंदणी प्रक्रिया
नवीन भाडे करार नोंदणी करण्यासाठी प्रक्रिया अत्यंत सोपी करण्यात आली आहे.
1. आवश्यक कागदपत्रे: घरमालक व भाडेकरू यांचा आधार/ओळखपत्र, मालमत्तेचा पत्ता व तपशील, कराराचा कालावधी व भाड्याचे दर.
2. अर्ज: संबंधित राज्याच्या ऑनलाइन 'ई-रजिस्ट्रेशन' पोर्टलवर अर्ज करणे.
advertisement
3. पडताळणी: आवश्यकतेनुसार बायोमेट्रिक पडताळणी पूर्ण करणे.
4. करार उपलब्धता: नोंदणी शुल्क भरल्यानंतर करार तत्काळ उपलब्ध होईल.
5. . भाडे कराराची ऑनलाइन ई-रजिस्ट्रेशन प्रक्रिया साठी संकेत स्थळ.
देशातील अनेक राज्यांनी भाडे करारासाठी ऑनलाइन 'ई-रजिस्ट्रेशन' पोर्टल सुरू केले आहे (महाराष्ट्रात हे efilingigr.maharashtra.gov.in या IGR पोर्टलद्वारे केले जाते).
view commentsLocation :
Mumbai,Maharashtra
First Published :
December 01, 2025 12:04 PM IST
मराठी बातम्या/महाराष्ट्र/नाशिक/
New Rent Rule : घरमालकांसाठी धोक्याची घंटा; 'हे' काम न करता घर भाड्याने देणे पडणार महागात
