..तर जंगलात सुद्धा गेलो असतो! मुख्यमंत्र्यांनी शब्द पाळला, भूपतीसह ६० नक्षलवाद्यांच्या आत्मसमर्पणाची Inside Story

भूपतीने शरणागती पत्करण्यापूर्वी एक अट घातली होती. तो आत्मसमर्पण फक्त महाराष्ट्राच्या मुख्यमंत्र्यांच्या समोरच करेल. त्यानुसार, मुख्यमंत्री फडणवीस यांनी आपले सर्व नियोजित कार्यक्रम रद्द करून आज गडचिरोलीत उपस्थित राहून पोलिसांनी दिलेला शब्द पाळला. या कृतीने सरकारचा संवाद आणि वचनबद्धतेवरील विश्वास अधिक दृढ झाला आहे.

मुख्यमंत्री फडणवीस यांनी या प्रसंगी सांगितले की, “भूपतीने आमच्यासमोर शरण येण्याची अट घातली होती. त्याने जंगलात बोलावले असते तरी आम्ही गेलो असतो. कारण हा माओवादी हिंसाचार संपवण्याच्या दिशेने एक निर्णायक टप्पा आहे.” त्यांनी पुढे सांगितले की, शासन संवादाच्या मार्गाने या समस्येचे निराकरण करण्यास कटिबद्ध आहे. या आत्मसमर्पणानंतर मुख्यमंत्री फडणवीस यांनी गडचिरोली पोलिसांना त्यांच्या धाडसी आणि सातत्यपूर्ण प्रयत्नांबद्दल १ कोटी रुपयांचे बक्षीस जाहीर केले.