बिग बींसोबत हिट आयटम साँग देऊन झाली गायब, आता कुठे आहे 'जुम्मा चुम्मा' गर्ल?

80 आणि 90 च्या दशकातील अनेक अभिनेत्री आजही प्रेक्षकांच्या मनावर राज्य करतात. त्यातील अनेक अभिनेत्री आजही मोठ्या पडद्यावर आहेत. तर अनेक अभिनेत्री करिअर यशाच्या शिखरावर असताना इंडस्ट्रीमधून गायब झाल्या.

अशीच एक अभिनेत्री जिला हिंदी सिनेमानं टार्जन गर्ल असं नाव दिलं. अमिताभ बच्चन यांच्या हम सिनेमातील जुम्मा गाण्यात ती दिसली होती. हे गाणं आजही लोकप्रिय आहे.

किमी काटकर असं अभिनेत्री नाव आहे. तिनं हिंदी सिनेमात नाव कमावलं आणि अचानक इंडस्ट्री सोडली.किमी काटकर ही त्याकाळची सर्वात फेमस अभिनेत्री होती. तिने अनेक मोठ्या अभिनेत्यांसोबत काम केलं.

शत्रुघ्न सिन्हा, गोविंदा, रजनीकांत, चंकी पांडे, जितेंद्र, धर्मेंद्र आणि अनिल कपूर सारख्या अनेक मोठ्या कलाकारांबरोबर तिनं स्क्रिन शेअर केली आहे.

किमीनं वयाच्या 20 व्या वर्षी सिनेमांत काम करायला सुरुवात केली. 1985 साली तिनं 'पत्थर' दिल या सिनेमातून डेब्यू केला. 'एडवेंचर्स ऑफ टार्जन' या सिनेमातून ती रातोरात फेमस झाली. तिला इंडियन टार्जन गर्ल म्हणून ओळखलं गेलं. 80-90 च्या दशकातील ती सर्वात बिझी अभिनेत्री होती. तिच्याकडे भरपूर प्रोजेक्ट्स होते.

1988 - 1990 चा काळ या अभिनेत्री किमीसाठी खूप चांगला ठरला. या काळात तिने तब्बल 35 सिनेमांत काम केलं. 1989 मध्ये तिनं 15 सिनेमे केले ते सगळे बॉक्स ऑफिसवर हिट ठरले.

'मुल्जिम', 'रामा ओ रामा', 'धर्मयुद्ध', 'तोहफा मोहब्बत का', 'सोने पर सुहागा', सारख्या अनेक सिनेमात किमीनं काम केलं. 'हम' सिनेमातून तिला खरी ओळख मिळाली.

1992 साली आलेल्या 'हमला' सिनेमात किमी शेवटची दिसली होती. त्यानंतर तिनं फोटोग्राफर आणि जाहिरात निर्मिता शांतनु शौरीबरोबर लग्न केलं. सध्या ती गोव्यात स्थायिक असल्याचं सांगण्यात येत आहे.