'बायको नांदत नाही', बीडमध्ये तरुणाने पोलिसांना धरलं वेठीस, चक्रावून टाकणारी मागणी

बीड: आज संपूर्ण देश प्रजासत्ताक दिनाचा उत्साह साजरा करत आहे. अशात बीड जिल्हाधिकारी कार्यालय परिसरात एक अजब प्रकार उघडकीस आला. इथं एका तरुणाने थेट जिल्हाधिकारी कार्यालयाच्या इमारतीवर चढून आंदोलन केलं आहे. त्याने इमारतीवरून उडी घेऊन आत्महत्येची धमकी दिल्याने प्रशासनाची मोठी तारांबळ उडाली. "माझी पत्नी नांदत नाही, पोलिसांनी माझा संसार बसवून द्यावा," अशी मागणी करत नितीन उबाळे नावाच्या तरुणाने हा प्रकार केला. त्याच्या 'शोले' स्टाईल आंदोलनामुळे परिसरात एकच खळबळ उडाली.