लोकसभेचा धक्कादायक निकाल लावून देतो, खरात बाबाचं आश्वासन, महिला नेता भाळली, तो CCTV पोलिसांना मिळाला!

नाशिक: भोंदूबाबा अशोक खरात याच्यासोबत अनेक राजकारण्यांचे संबंध असल्याचे जगजाहीर झाले आहे. अशोक खरात याच्याकडे राजकारणी मंडळींच्या नियमित वाऱ्या होत असत, याचे अनेक फोटो समाज माध्यमांवर वेगाने पसरत आहे. आपल्याकडे दिव्यशक्ती असून सगळ्यांच्या अडीअडचणींवर उपाय असल्याचा दावा खरात करीत असे. त्याच्या संमोहनाने सुशिक्षित अडाणी लोकही त्याच्या जाळ्यात फसले. लोकसभा निवडणूक काळात महाराष्ट्रातील एक महिला खासदारानेही कॅप्टनच्या दरबारात जाऊन आपला हात दाखवून भविष्य जाणून घेतल्याचे सूत्रांनी सांगितले.