नोकरी सुटली अन् प्रशांतने सुरू केलं पाणीपुरी सेंटर, आता पगारापेक्षा जास्त कमाई!

नोकरी सुटल्यानंतर डिप्रेशनमध्ये गेलेल्या प्रशांत सोनवणे या तरुणाने आता स्वतःचा पाणीपुरू व्यवसाय सुरू करून पुन्हा नव्याने सुरवात केली आहे. जिद्द आणि चिकाटी बाळगून या तरुणाने आज दर महिन्याला 60 ते 70 हजारांची कमाई करणारा पाणीपुरी व्यवसाय यशस्वीरीत्या सुरू केला आहे. जीवनात येणाऱ्या संघर्षांवर वेळोवेळी मात करत पुढे कसे जायचे, हे या तरुणाने आजच्या युवा पिढीला शिकवले आहे. 'लोकल 18' च्या माध्यमातून आपण आज या नव्याने सुरू केलेल्या व्यवसायाची प्रेरणादायी कहाणी जाणून घेणार आहोत.