गरिबीनं कंबरडं मोडलं, जड अंत:करणानं दाम्पत्यानं 20 दिवसांच्या अर्भकाला रस्त्यावर सोडलं

पनवेल शहरातील तक्का विभागात एका मुलींच्या बालगृहाच्या बाहेर फुटपाथवर आज सकाळी एक नवजात अर्भक आढळून आल्याने परिसरात एकच खळबळ उडाली. २० दिवसांच्या या अर्भकाला एका बास्केटमध्ये ठेवून सोडण्यात आले होते. या बास्केटमध्ये एक चिठ्ठीही सापडली, ज्यात 'आम्ही या बाळाला सांभाळू शकत नाही. त्याच्या आजारपणाचा खर्च आम्हाला झेपणार नाही, क्षमा असावी,' अशी चिठ्ठी लिहून ठेवण्यात आली होती. या घटनेमुळे परिसरात मोठी खळबळ उडाली आहे.