Chandra Grahan 2025: बाप्पा गेल्यानंतर लागणार चंद्रग्रहण, या महिलांना घ्यावी लागणार काळजी, असं का घडू शकतं?

मुंबई : सूर्यग्रहण आणि चंद्रग्रहणासारख्या खगोलीय घडामोडी नेहमीच आपल्या मनात आकर्षण आणि कुतूहल निर्माण करतात. संपूर्ण विश्वावर त्यांचा परिणाम दिसून येतो. येत्या 7 सप्टेंबर 2025 रोजी खग्रास चंद्रग्रहण होणार आहे. धार्मिक मान्यतेनुसार, या चंद्रग्रहणाचा आपल्या जीवनावर परिणाम होतो. चंद्रग्रहणापूर्वी सुतक काळात विशेष काळजी घेण्याची गरज असते. विशेष करून गरोदर स्त्रिया, वृद्ध, आजारी व्यक्ती आणि लहान मुलांनी ग्रहणकाळात नियमांचं पालन करणं अत्यंत आवश्यक मानलं जातं. या संदर्भात मुंबईतील आदित्य जोशी गुरुजींनी महत्त्वाची माहिती दिली आहे.