बारामती पंचायत निवडणूक निकाल 2026 LIVE: अजितदादांशिवाय पहिली निवडणूक, पंचायत समितीवर कोण 'राज' कारणार? थोड्याच वेळात निकाल

बारामती पंचायत निवडणूक निकाल 2026 LIVE:  अजित पवारांच्या अनुपस्थितीत बारामतीत आज जिल्हा परिषद आणि पंचायत समिती निवडणुकीची मतमोजणी सुरू झाली आहे. सकाळी आठ वाजल्यापासून तालुक्यातील मतमोजणी केंद्रांवर प्रक्रिया सुरू असून, प्रशासनाकडून कडेकोट बंदोबस्त ठेवण्यात आला आहे. ५४.९० टक्के इतकं कमी मतदान झालेल्या बारामतीकडे राज्याचं लक्ष लागून राहिलं आहे. प्रचाराच्या काळातच अजित पवार यांचं निधन झाल्याने मतदारांमध्ये दिसलेली शांतता आणि अलिप्तपणा आज निकालात कसा व्यक्त होतो, याची उत्सुकता आहे. पहिल्या फेऱ्यांत पोस्टल मतपत्रिकांची मोजणी सुरू असून, त्यानंतर ईव्हीएममधील मतांची मोजणी होणार आहे. PRAB च्या एक्झिट पोलनुसार पुणे जिल्हा परिषदेत राष्ट्रवादीला आघाडीचा अंदाज आहे, मात्र अजित पवार नसलेल्या बारामतीत मतदारांनी कोणता संदेश दिला, हे आज स्पष्ट होणार आहे.