Ganesh Visarjan 2025: खबरदार! विसर्जन मिरवणुकीत चोरी कराल तर.., पुणे पोलिसांची तगडी पेट्रोलिंग

गणेशोत्सवातील सर्वात मोठा सोहळा असलेली विसर्जन मिरवणूक पुण्यात मोठ्या उत्साहात पार पडणार आहे. हजारो गणेशभक्त, शेकडो मंडळं आणि लाखोंचा जनसमुदाय बघता, पुणे शहर पोलीस दलाकडून विशेष सुरक्षा बंदोबस्त ठेवण्यात आला आहे. गर्दीचा फायदा घेणाऱ्या चोरट्यांना आळा घालण्यासाठी पोलिसांनी यंदा चार स्तरांमध्ये पेट्रोलिंगची आखणी केली आहे.

नागरिकांच्या सुरक्षिततेसाठी आणि गर्दीचा फायदा उचलणाऱ्या चोरट्यांसाठी पोलिसांकडून ए आय, चेहरा ओळख प्रणाली, ड्रोन कॅमेरे, जीपीएस ट्रॅकर, सीसीटीव्ही कॅमेरा, मोबाईल नियंत्रण कक्ष आणि अँटिड्रॉम गनचा वापर केला जाणार आहे. शहरातील प्रमुख मार्गांवर आणि विसर्जन मिरवणुकीच्या मार्गावर सशस्त्र पोलीस, गुन्हे शाखेची पथकं, पोलीस मित्रांची मदत घेतली जाणार आहे. गर्दीचा फायदा उचलून मोबाईल चोरी, साखळी चोरी आणि पाकीटमार करणाऱ्यांवर विशेष लक्ष ठेवण्यात येणार आहे. यासाठी गर्दीत सिव्हिल ड्रेसमध्ये पोलीस फिरणार आहेत.