prakash ambedkar: 4 जूननंतर दोन्ही ठाकरे बंधू..., प्रकाश आंबेडकरांचा खळबळजनक दावा

प्रकाश आंबेडकर हे आज नाशिकच्या दौऱ्यावर होते. यावेळी पत्रकारांशी बोलत असताना महायुतीसह उद्धव ठाकरे यांच्यावरही निशाणा साधला.

'उद्या एकनाथ शिंदेंकडे जी शिवसेना आहे तिचे प्रमुख राज ठाकरे झाले तर आश्चर्य व्यक्त करू नये. नरेंद्र मोदी आणि भाजप यांनी दोन भावंडांमध्ये रेस लावलेली आहे. लॉयल्टीची रेस लावलेली आहे. मोदी म्हणाले होते की, गरज पडली तर उद्धवजींना सर्वतोपरी मदत करेल आणि दुसरीकडे राज ठाकरे यांना मजबूर करणे, प्रचाराला बोलावणे असे प्रकार सुरू आहे. दोन भावंडांमध्ये अधिक लॉयल्टी कोणाकडे यामध्ये चुरस लावलेली आहे. लोकसभा निवडणुकीनंतर दोघेही भाजपसोबत असतील अशी परिस्थिती दिसत आहे, असा दावा प्रकाश आंबेडकर यांनी केला.