भारतीय रेल्वेमध्ये 30307 पदांची मेगाभरती! ग्रॅजुएट उमेदवारांना नोकरीची उत्तम संधी; मिळणार 35,400 रूपये पगार

रेल्वे भरती बोर्डाने “मुख्य व्यावसायिक आणि तिकीट पर्यवेक्षक, स्टेशन मास्टर, गुड्स ट्रेन मॅनेजर, कनिष्ठ लेखा सहाय्यक आणि टंकलेखक, वरिष्ठ लिपिक आणि टंकलेखक” पदांच्या एकूण 30307 रिक्त जागा भरण्यासाठी पदांनुसार पात्र असणार्‍या उमेदवारांकडून अर्ज मागविण्यात येत आहे. अर्ज ऑनलाइन पद्धतीने करायचा आहे. ऑनलाईन अर्ज भरण्यासाठी सुरूवात 30 ऑगस्टपासून झाली आहे. तर, ऑनलाईन अर्ज करण्याची शेवटची तारीख २९ सप्टेंबर २०२५ आहे. त्यामुळे आता अर्जदारांकडे ऑनलाइन अर्ज करण्यासाठी आता अवघे काही दिवसच शिल्लक राहिले आहेत. फार कमी दिवस शिल्लक राहिल्यामुळे उमेदवारांनी लवकरात लवकर अर्ज दाखल करावा.

उमेदवारांना अर्ज ऑनलाईन पद्धतीने करायचा आहे. अर्ज करण्यापूर्वी उमेदवारांनी भरतीची जाहिरात काळजीपूर्वक वाचायची आहे. अर्ज आणि आवश्यक कागदपत्रे जाहिरातीमध्ये दिलेल्या संबंधित पत्त्यावर पाठवून द्यायचे आहे. अर्ज पाठवताना अर्जदारांनी जाहिरातीमध्ये नमूद करण्यात आलेले आवश्यक कागदपत्रे अर्जासोबत जोडावे. अर्ज करण्यापूर्वी अर्जदाराने अधिक माहिती करिता शेअर करण्यात आलेली PDF जाहिरात बघावी. तिकीट सुपरवायझरसाठी 6235 पदे, स्टेशन मास्तरसाठी 5623 पदे, मालवाहू गाडी मॅनेजरसाठी 3562 पदे, जूनियर अकाउंट असिस्टंट टायपिस्टसाठी 7520 पदे, सीनियर क्लर्क टायपिस्टसाठी 7367 पदे अशी भरती केली जाणार आहे.

मुख्य व्यावसायिक- तिकीट पर्यवेक्षक आणि स्टेशन मास्टर पदासाठी 35, 400 रूपये इतका पगार असणार आहे. पात्र उमेदवाराला 6 व्या वेतनाप्रमाणे पगार मिळणार आहे. गुड्स ट्रेन मॅनेजर, कनिष्ठ लेखा सहाय्यक आणि टंकलेखक, वरिष्ठ लिपिक आणि टंकलेखक पदासाठी 29, 200 इतका पगार असणार आहे. पात्र उमेदवाराला 5 व्या वेतनाप्रमाणे पगार मिळणार आहे. अर्जदाराचे वय 18 ते 35 दरम्यान आवश्यक आहे.