Dombivli: डॉक्टर म्हणाले सगळं ठिक अन् चिमुकलीनं पायरीवरच सोडला जीव, केडीएमसी रुग्णालयाचं भयानक वास्तव

प्राणगी विकी भोईर (वय 4 वर्षे) आणि बबली उर्फ श्रुती अनिल ठाकूर (वय 23 वर्षे) अशी मृत्यू झालेल्य दोघींची नावं आहे. शनिवार-रविवारी शाळेला सुट्टी असल्याने नर्सरीत शिकणारी प्राणगी खंबाळपाड्यात मावशीकडे राहण्यासाठी आली होती. प्राणगी आणि तिची मावशी गाढ झोपेत असताना विषारी सापाने दोघींना चावा घेतला. दोघींना अगोदर केडीएमसीच्या पश्चिम डोंबिवलीतील शास्त्रीनगर हॉस्पिटलमध्ये दाखल केलं होतं. प्राणगीला रुग्णालयाच्या दारातच मृत घोषित करण्यात आलं होतं. तर तिच्या मावशीला ठाण्यातील सिव्हील हॉस्पिटलमध्ये घेऊन जाण्यास सांगण्यात आलं होतं.