maratha reservation : मराठा आंदोलन दगडफेक प्रकरणात अटकेत असलेल्या बेदरे राष्ट्रवादीचा कार्यकर्ता, जेम्स लेन प्रकरणातही होता जेलमध्ये!

जालना, 26 नोव्हेंबर : जालना जिल्ह्यातल्या अंतरवाली सराटी येथे झालेल्या लाठीहल्ला आणि दगडफेक प्रकरणी पोलिसांनी आता कारवाईला सुरुवात केली आहे. या प्रकरणी मनोज जरांगे पाटील यांच्या अत्यंत जवळच्या सहकार्यांना पोलिसांनी अटक केली आहे. ऋषिकेश बेदरेंसह तिघांना पोलिसांकडून अटक केली आहे. या आरोपींना 2 डिसेंबरपर्यंत न्यायालयीन कोठडीची शिक्षा सुनावली आहे.

जालना जिल्ह्यातल्या अंतरवाली सराटी येथे लाठीहल्ला आणि पोलिसांवर झालेल्या दगडफेक प्रकरणी पोलिसांनी पहिली मोठी कारवाई केली. या प्रकरणी ऋषिकेश बेदरेसह 3 जणांना पोलिसांनी अटक केली आहे. अंतरवाली सराटी येथे 1 सप्टेंबर रोजी मराठा आंदोलक आणि पोलिसांमध्ये धुमश्चक्री पाहायला मिळाली होती.. यात पोलिसांकडून लाठीहल्ला तर आंदोलकांकडून दगडफेक करण्यात आली होती. या प्रकरणी मनोज जरांच्या यांच्या सहकाऱ्यांवर गुन्हा दाखल करण्यात आला होता. त्याचा तपास करत असताना गोंदी शिवारातून पोलिसांनी अटकेची पहिली कारवाई केली आहे. यामध्ये आरोपी ऋषिकेश कैलाश बेदरे याचे पहिले नाव असून तो मुळचा बीड जिल्ह्यातल्या गेवराई शहरातला रहिवासी आहे.

कायदा आणि सुव्यवस्थेचा प्रश्न निर्माण होऊ नये म्हणून पोलिसांनी आरोपींना अंबड येथील पोलीस ठाण्यात आणून चौकशी केली असता ऋषिकेश बेदरे यांच्याजवळ एक गावठी पिस्तुल आणि जिवंत काडतुसं सापडली. दरम्यान पोलिसांनी या चारही जणांना अटक केली असून पुढील कारवाई सुरू आहे.