Nirmalya Recycling: बाप्पाच्या निर्माल्याचा बळीराजाला फायदा, श्रीमंत दगडूशेठ गणपतीला अर्पण केलेल्या हारांचं काय होतं?

पुणे: दरवर्षी प्रमाणे यावर्षी देखील पुण्यात मोठ्या दणक्यात आणि जल्लोषात गणेशोत्सव साजरा झाला. पुण्यातील गणेशोत्सवात श्रीमंत दगडूशेठ हलवाई गणपतीची सर्वात जास्त चर्चा होते. या गणपतीच्या दर्शनासाठी राज्याच्या कानाकोपऱ्यातून लाखो गणेशभक्त पुण्यात येतात. हे भक्त आपल्या आवडीनुसार आणि इच्छेनुसार बाप्पाच्या चरणी फुलं, हार, नारळ आणि दुर्वा अर्पण करतात. या गोष्टी काही काळातच निर्माल्य म्हणून बाजूला देखील केल्या जातात. अशा प्रकारे दगडूशेठ गणपतीजवळ दररोज सुमारे एक टन निर्माल्य जमा होतं. हेच निर्माल्य बळीराजाच्या आयुष्यात निखळ आनंदाचं कारण ठरत आहे.